Eis
unha serie de recomendacións que nos parece oportuno que coñezades se queredes viaxar con
mascotas:
Non deixedes de ter en conta estes 4 puntos:
1- Visita
previa ao veterinario: revisión física, comprobación da
necesidade de vacinacións e desparasitacións especiais en función
do lugar ao cal se viaxe, emisión de informes ou certificados de
saúde que poden ser precisos para levar mascotas en transportes
públicos e/ou ao estranxeiro, prescripción en caso necesario de
sedantes e/ou medicacións contra o mareo. Ter en conta que nalgúns
destinos os animais teñen que pasar un periodo de corentena antes de
poder entrar libremente.
2- Preparar
a súa equipaxe:
Caixa
de transporte: é a mellor solución para que unha mascota viaxe
segura e en moitos lugares poden esixila se queremos que quede nalgún
intre soa. Para facturala nun transporte público deberá ser dun
tipo homologado a este efecto.
A
caixa debemos convertila nun refuxio seguro aos ollos da nosa
mascota. Por eso, debemos afacela con antelación a permanecer nela
nun entorno onde estea tranquila e relaxada. No caso dos gatos,
colocala onda algún dos seus lugares favoritos para descansar. A
maneira é porlle dentro unha mantiña ou coxín que empregue para
descansar habitualmente e deixarlla así, sen porta (incluso sen
cuberta superior), durante varios días, sin forzalo nunca a entrar.
Se non entra espontaneamente, disporlle no interior xoguetes ou
lambonadas. Cando entre, no caso dos cans, recompensarllo con
agarimos, sempre nun tono relaxado. Cando xa entre de maneira
espontánea, afacer á mascota a encerrala un instante a porta para
que tolere estar dentro coa porta pechada. Para a intre da viaxe,
debe ter dentro a súa mantiña e -no caso dos cans- un xoguete
comestible. No caso dos gatos é interesante unha aplicación de
feromonas faciais (Feliway).
Cama:
se é posible -sobre todo para o caso dos gatos- levarlle a súa
propia camiña vaino axudar a sentirse moito máis reconfortado.
Cepillo/champú:
está ben levar un cepillo e incluso champú por se a nosa mascota se
mancha (e non está de máis un quitamanchas, por se é ela a que
manche algo)
Colar,
correa e buzo: no caso dos cans, deben terse sempre a man.
Comida
e auga: o ideal é non cambiarlle os hábitos alimentarios á
nosa mascota. Debemos poder proporcionarlle auga sempre que o
demande. Levar comedeiro e bebedeiro. Tamén debemos ter a man
bolsas de plástico por se a nosa mascota ensucia (defeca,
vomita).
Documentos:
pasaporte e calquera outra documentación que nos poida ser
precisa en función do lugar ao cal viaxemos. Recomendable por no
colar unha placa identificativa.
Medicación:
se a mascota toma algunha medicación, non esqueza levar toda a que
poida precisar. Non está de máis levar tamén un botiquín para uns
eventuales primeiros auxilios.
3 - Lembrar
que é recomendable non darlles de comer nas 2 horas anteriores ao
inicio da viaxe. No caso dos cans, sobre todo se non está afeito
a viaxar, é recomendable tamén darlle un longo paseo antes de
principiar a viaxe. Podemos usar un colar de feromonas (Adaptil) ou
un calmante natural (por exemplo, Calmex), pero non dar ansiolíticos ou
sedantes sen control veterinario.
4- Unha
vez no lugar de destino, intentar seguir dentro do posible as
rutinas habituais da vida da mascota (horario de comidas, de
paseos...). Podemos usar feromonas (Adaptil nos cans, Feliway nos
gatos) para atenuar o estrés orixinado polos cambios e polos
estímulos descoñecidos.
É recomendable
favorecer, no caso dos cans, que queden sós nalgún intre do dia,
para que non perdan a tolerancia a quedaren sós.
No
caso dos gatos, debemos proporcionarlles unha "zona de
seguridade" no novo territorio: reservar unha estancia
tranquila, onde existan diferentes lugares onde agacharse, e colocar
nela os elementos necesarios para o gato (comida, auga, bandexa,
cama, mantiña, xoguetes), a ser posible os xa coñecidos, e deixalo
que sexa el quen tome a iniciativa de sair desta zona de seguridade.
Recomendable dispor unha segunda bandexa que quede máis lonxe da
comida e a auga e colocar (a ser posible con antelación) un difusor
de Feliway ou ben pulverizar nas esquinas, no chan e en superficies
verticais ata a altura do gato.
No
retorno a casa debemos realizar unha rutina similar.
Tamén pode ser importante:
Planificar
as estancias:
Temos
que ser conscientes de que na maioría dos establecementos
hostaleiros de España non se admiten mascotas, por tanto debemos
planificar as pernoctas (incluso as comidas) de xeito que o
acompañamento da mascota non se convirta nun problema. Ter en conta
que nos campings e que nas casas de turismo rural temos mellores
posibilidades de que nos admitan mascotas. Tamén podemos contar coa
alternativa das residencias de mascotas -en orixe ou en destino- para
solucionar este posible problema.
Vantaxes e inconvintes dos diferentes medios de transporte:
Viaxar
en AUTOCAR
Temos
que ser conscentes de que os autobuses non teñen por que admitir
mascotas a bordo, quedando esta decisión ao albedrío do
condutor. Temos que asegurarnos antes de plantexarnos unha viaxe de
que nola van admitir. Neste caso, temos que ter en conta de que non
debe ir na bodega do veículo, un espazo que -sobre todo en tempo
caloroso- será sen dúbida axfisiante. Non é admisible por tanto
viaxar en autocar a menos que se nos permita levar a mascota connosco
na cabina.
Viaxar
en AVIÓN
Case
sempre nos van pedir o pasaporte (que terá que estar cas
vacinacións ao día) e un certificado de saúde para embarcar
unha mascota nun avión. Poderá levarse como equipaxe de man
se pesa pouquiño (frecuentemente, máximo 6 kg con
transportín incluído), senón deberá ser facturado. É
posible que haxa que sacar unha pasaxe para este efecto. Ter en conta
que para os gatos, unha viaxe en avión resulta sumamente
estresante (para ausencias non moi prolongadas, é preferible que
permanezan en casa, enriquecendo o entorno con xogos tales como
puzzles para gatos).
Viaxar
en BARCO
O
barco ten o inconvinte de que a mascota é practicamente seguro que
se mareará, de xeito que debemos medicala para intentar
evitarlle esa mala experiencia. Tamén nos esixirán o pasaporte
actualizado e a certificación de boa saúde. Normalmente nos
barcos está permitido visitar aos animais que viaxan nas bodegas,
e incluso deixalos sair un instante, pero non debemos esperar que nos
permitan levalo connosco durante a viaxe.
Viaxar
en COCHE
É
recomendable afacer ás mascotas ao coche se temos pensado
facerlles desprazamentos en auto. No caso dos cans podemos ensinalos
a permanecer primeiro tranquilos dentro do vehículo, primeiro co
motor parado, despois co motor en marcha, e posteriormente facer
paseos cada vez máis longos. No caso dos gatos, podemos levalos en
pequenos paseos tranquilos no auto -sempre dentro dunha caixa de
transporte-.
No
caso dos animais pequenos, debemos levalos nunha caixa de
transporte, fixada de maneira que non abanee. Os máis grandes
poden ir atados ou ben tras dunha grella separadora. En
ningún caso unha mascota pode estar solta dentro do habitáculo dun
vehículo en circulación, nin debemos deixar que saque a cabeza por
unha xaneliña (ademais de ser ilegal, pode causarlle conxuntivite
e/ou otite).
Deberemos
parar cada 2 horas (menos no caso dos cachorros) para que
beban e, no caso dos cans, paseen un pouco e fagan as súas
necesidades.
Se
vemos unha mascota que se baba e se mostra incómoda, seguramente
estará mareada. Debemos parar e permitir que se recupere (no
caso dos cans, sacala do coche). Existen medicacións para evitar o
mareo.
Non
podemos permitir que o ambiente no interior se faga
sofocante (ou que lle dea o sol, directamente ou á súa
caixa), polo risco de provocar na mascota un golpe de calor. Nunca
deixar mascotas soas nun auto pechado, aínda que quede á sombra e
cas xanelas abertas.
Viaxar
en TREN
Os
animais de menos de 6 kg poderán normalmente viaxar cos
pasaxeiros. Para os máis grandes haberá que sacar un
billete e irán no departamento de carga, en condicións
perfectamente seguras. Nos coches-cama normalmente tamén se permite
a presenza de animais, pero se é compartido debe pedirse o
consentemento do outro viaxeiro.
Doenzas
contra as que debemos protexer ás mascotas que viaxan
En
moitas zonas de España temos que protexer os nosos cans contra
algunha destas patoloxías:
Filariose:
o verme parásito Dirofilaria inmitis, que
se contaxia mediante picadelas de mosquitos, medra nos vasos
sanguíneos e termina ocupando as cavidades dereitas do corazón e os
vasos que conducen aos pulmóns, causando graves trastornos cardiacos
e respiratorios (tos, respiración ruidosa e dificultosa, cansancio,
inapetencia), incluso a morte.
Medidas de precaución: usar un
antiparasitario adecuado desde 1 mes antes da viaxe a unha zona de
risco ata 1 mes despois.
Leishmaniase:
o protozoo parásito Leishmania, que
se contaxia mediante picadelas de mosquitos, pode causar nos cans
insuficiencia renal e lesións en diversos órganos (pel, xogos,
ollos...), podendo chegar a provocar a morte dos afectados. Ten
tratamento, pero non cura.
Medidas de precaución: Utilizar nos cans
produtos repelentes contra os mosquitos. Intentar non ter os cans en
exterior ao final do día, sobre todo nas épocas máis perigosas
(primavera e final do verán). Instalar mosquiteiras. Se se vai
permanecer en zonas de risco significativo, vacinar ou medicar con medicamentos preventivos.
Normas
xerais para o transporte de animais dentro da UE
Cans
e gatos deben viaxar:
- identificados mediante microchip,
- co pasaporte correctamente cuberto e
- ca vacinación antirrábica vixente.
Para
viaxar ao Reino Unido, Irlanda, Suecia e outros países é precisa
unha analítica de sangue previa que hai que facer con varios meses
de antelación.
¿algunha cuestión acerca deste contido? coméntanola por medio do noso facebook ou o noso correo electrónico
Ningún comentario:
Publicar un comentario